O Local de Música de Pontevedra é un espazo público municipal concibido para que os músicos e grupos noveis do Concello de Pontevedra teñan un punto de encontro onde poder realizar actividades de ensaio, gravación, formación, etc, e interactuar con outros axentes tanto do eido musical como de outros ámbitos, de xeito que se convirta nun punto de mira da creación musical e artística en Pontevedra.
Orgánicamente pertence ao Departamento de Xuventude, polo que integra ademáis as actividades provintes da súa programación.
O Local de Música converteuse xa nun centro social para a mocidade e a súa misión vai máis alá, configurándose xa como un espazo motivador, dinamizador, catalizador e potenciador da creación e expresión musical na nosa cidade, así como un nexo de unión entre os diferentes axentes que participan dalgún xeito na creación musical.
Localización e medios técnicos.
Posta en marcha esta iniciativa en outubro de 2008, ubícase na rúa Otero Pedraio, s/n (ao lado de Vialia-Estación de Tren) e conta cunha superficie duns 200 m2. Dispón dunha zona de aparcamento gratuito, e ao carón o parking de pago da estación do tren.
Dispón de tres salas, destinadas principalmente ao ensaio. Unha sala dispón de medios para á gravación dos ensaios. As salas contan todo o necesario para ensaiar grupos estándares de 5-7 persoas, con baterías, teclados, amplificadores, micrófonos, mesas, etc..
O equipo técnico asociado ao local componse de dous profesionais, un cun perfil relacionado coa xestión cultural e a dirección de proxectos sociais e o outro cun perfil asociado á producción musical, son e espectáculos musicais.
Horarios e requisitos.
O horario do Local é de luns a venres de 16 a 22 h. e os sábados de 10 a 14 h e de 16 a 22 h. e nel poden solicitar a seu uso grupos de mozos/as novos/as que pertenza a un colectivo musical, menores de 30 anos (ou media do grupo non superior a 35 anos) sempre cando algún membro do grupo estea empadroado en Pontevedra.
O uso do Local é totalmente gratuíto.